Մասնագետները պատմել են՝ ինչպես երջանիկ լինել. 1in.am

Մայո կլինիկայից դոկտոր Ամիդ Սոոդի խոսքերով՝ երջանկության համար հարկավոր չէ փող, առողջություն և հաջողություն, հայտնում է meddaily.ru-ն: Նա մշակել է «երջանկության ճանապարհ» ծրագիրը, որը հաշվարկված է 10 շաբաթվա համար: Ծրագիրը կազմված է 4 աստիճանից:

Առաջին քայլ. մարզումներ, որն օգնում է կենտրոնացնելու միտքը: Գիտնականն առաջարկում է օգտագործել 5-3-2 տեխնիկան: Արթնանալուց հետո առաջին հերթին հարկավոր է մտածել 5 մարդու մասին, որոնք կարևոր տեղ են զբաղեցնում կյանքում: Մոտիկ մարդկանց հետ հանդիպման առաջին 3 րոպեների ընթացքում պետք է նրանց ողջունել այնպես, կարծես շատ վաղուց չեք տեսնվել: Եվ, վերջապես, եթե մարդու եք հանդիպում, առաջին 2 վայրկյանները մտովի նրան ցանկացեք ամենալավ բաները:

Երկրորդ քայլ. էմոցիոնալ կայունության զարգացումը գոհունակության, կարեկցանքի, ընդունման և ներման միջոցով:

Երրորդ քայլ. ձեր գիտակցության և մարմնի միջև կապի ամրացումը ընթերցանության, վարժությունների, երաժշտության, արվեստի, աղոթքի, մեդիտացիայի և յոգայի միջոցով:

Չորրորդ քայլ. առողջ ապրելակերպ և օգտակար սովորություններ, մասնավորապես՝ ֆիզիկական ակտիվություն և ճիշտ սնունդ:

Ամիդ Սոոդը նաև խորհուրդ է տալիս ավելի թեթև նայել կյանքին: Մասնագետը հայտարարում է՝ ընդամենը 10 շաբաթ և ձեր մտածելակերպը արմատապես կփոխվի:

Հարցեր, պատասխաններ, մեկնաբանություններ